Krona suedeze, më e forta në tregun global të valutave

Krona suedeze po tregon forcë të jashtëzakonshme në tregjet financiare, duke u rritur me 3,54% kundrejt dollarit amerikan që nga fillimi i vitit. Të dielën, një dollar amerikan kushtonte 10,69 krona, duke e bërë monedhën suedeze më të fortën mes valutave të grupit G10.

G10 përfshin njëmbëdhjetë nga monedhat më të tregtuara në botë, dhe krona suedeze ka kryesuar listën si më e forta deri më tani këtë vit.

Përveç saj, performancë të mirë kanë shënuar edhe yeni japonez dhe dollari australian, të cilët janë rritur me 3,21% dhe 2,65% kundrejt dollarit amerikan. Në anën tjetër, paundi britanik dhe franga zvicerane kanë mbetur pas, me rritje të lehta prej vetëm 0,56% dhe 0,84%.

Ekspertët e tregut financiar shprehen se krona suedeze ka përfituar nga stabiliteti ekonomik i Suedisë dhe nga pritshmëritë për ndryshime në politikat monetare globale.

Burimi: Aftonblandet