Kronofogden: Rimbursimi i taksave mund të përdoret për të paguar borxhet

Personat që kanë borxhe dhe njëkohësisht marrin para mbrapsht nga taksat duhet të dinë se këto para do të përdoren fillimisht për shlyerjen e borxheve të tyre.

Nëse dikush ka borxhe dhe pret rimbursim nga taksat, atëherë rimbursimi i taksave do të kalojë së pari për të paguar borxhet ekzistuese.

Datat e deklarimit dhe rimbursimit këtë vit

Deklarimi i taksave mund të bëhet përmes shërbimit elektronik të Skatteverket duke filluar nga 17 marsi.

Ata që deklarojnë dhe e miratojnë deklarimin në mënyrë digjitale pa bërë ndryshime ose shtesa deri më 31 mars, do ta marrin rimbursimin e taksave mes datave 7 dhe 10 prill.

Nëse këta persona kanë borxhe, atëherë Skatteverket do t’i transferojë paratë për pagesën e borxheve më 4 prill.

Ndërsa personat që e dorëzojnë deklarimin deri më 4 maj, qoftë në mënyrë digjitale ose në letër, do ta marrin rimbursimin e taksave mes datave 9 dhe 12 qershor.

Në rast se ata kanë borxhe, Skatteverket do t’i transferojë paratë për shlyerjen e borxheve më 6 qershor.

Informacione shtesë

Datat për rimbursimin e taksave vlejnë për shumicën e njerëzve, por ato mund të ndryshojnë në disa raste. Më shumë informacion rreth rimbursimit të taksave dhe llogarisë së taksave mund të gjendet në faqen zyrtare të Skatteverket.

Burimi: Kronofogden

Link: https://kronofogden.se/om-kronofogden/nyheter-och-press/nyheter/2026-03-16-har-du-skulder-kan-din-skatteaterbaring-betala-dessa