Kushtet e rrugës do të përcaktojnë përdorimin e gomave dimërore

Qeveria suedeze propozon ndryshime në rregullat për përdorimin e gomave dimërore. Sipas propozimit të ri, nuk do të jenë më datat fikse ato që përcaktojnë detyrimin për goma dimërore, por kushtet aktuale të rrugës.

– Gjithmonë duhet të përdoren goma dimërore kur kushtet në rrugë janë të vështria nga akulli e bora, pavarësisht periudhës së vitit, deklaroi ministri i infrastrukturës Andreas Carlson (KD) për Ekot.

Propozimi është dërguar për konsultim dhe nëse miratohet, rregullorja e re do të hyjë në fuqi më 1 nëntor të këtij viti. Qëllimi është të rritet siguria rrugore dhe të shmangen aksidentet që ndodhin për shkak të mungesës së gomave të përshtatshme në kushte të vështira atmosferike.