Lagrådet (Këshilli Ligjor) kritikon ashpër rregullat e reja për shtetësinë

Vendimi për të futur rregulla të reja për shtetësinë pa asnjë dispozitë kalimtare është “shumë i papërshtatshëm”. Kështu shkruan Lagrådet (Këshilli Ligjor) në opinionin e tij, sipas raportimit të Altinget.

Sipas propozimit të partive të Marrëveshjes së Tidös, rregulli kryesor do të ndryshojë: shtetësia suedeze do të mund të merret pas tetë vitesh qëndrimi në vend, në vend të pesë viteve siç është aktualisht. Përveç kësaj, do të vendoset një test i ri i gjuhës dhe njohurive për shoqërinë, si edhe një kërkesë për vetëmbajtje ekonomike. Qeveria dëshiron që këto rregulla të hyjnë në fuqi më 6 qershor.

Në kritikën e tij, Lagrådet (Këshilli Ligjor) thekson se personat që kanë aplikuar tashmë për shtetësi nuk kanë qenë të informuar për ndryshimet e reja. Sipas këshillit, kjo e bën shumë problematike hyrjen në fuqi të menjëhershme të ligjit pa rregulla kalimtare.

Po ashtu, këshilli paralajmëron se koha e gjatë e shqyrtimit të aplikimeve për shtetësi mund të zgjatet edhe më shumë me hyrjen në fuqi të rregullave të reja.

Një tjetër pikë kritike është edhe ashpërsimi i “kërkesës për sjellje të mirë” (vandelskravet). Sipas Lagrådet (Këshilli Ligjor), kjo kërkesë është e paqartë dhe mund të krijojë pasiguri në zbatim.

Më herët, edhe dy komisione hetimore kanë rekomanduar që të ketë një periudhë me rregulla kalimtare përpara se të hyjnë në fuqi ndryshimet e reja.

Burimi: Altiget/Lagradet

Link: https://www.altinget.se/artikel/lagraadet-underkanner-regeringens-plan-for-skarpta-medborgarskapskrav

https://www.lagradet.se/wp-content/uploads/2026/02/Skarpta-krav-for-svenskt-medborgarskap.pdf