Lehtësimet për blerësit e banesave: Mijëra korona më shumë në xhepat e qytetarëve

Qeveria suedeze ka propozuar lehtësira të reja për kredimarrësit, të cilat pritet të përkthehen në përfitime të mëdha financiare për blerësit e rinj të banesave, nëse këto masa marrin miratimin përfundimtar. Gazeta Dagens Nyheter (DN) ka prezantuar disa shembuj konkretë për të ilustruar ndikimin e mundshëm të ndryshimeve të reja.

Për një blerës të ri që po kërkon të blejë një banesë me vlerë 3 milionë korona, lehtësimet përfshijnë një ulje të kërkesës për parapagim me 150,000 korona. Për më tepër, ai mund të presë një ulje prej 24,000 koronash në pagesat vjetore të amortizimit, duke i lënë më shumë para për shpenzime të tjera të përditshme.

Ndryshimet janë edhe më të ndjeshme për çiftet me të ardhura më të larta. Për një çift që fiton 1.2 milionë korona bruto në vit dhe kërkon të blejë një vilë me vlerë 7.2 milionë korona, parapagimi bie nga 1,080,000 në 720,000 korona. Amortizimet për këtë kategori kredimarrësish pritet të më shumë se përgjysmohen, duke u dhënë atyre mundësinë të shijojnë një siguri më të madhe financiare dhe të kenë më shumë likuiditet për shpenzime të tjera.

Këto masa synojnë të lehtësojnë barrën financiare të blerësve të rinj dhe të përmirësojnë qasjen në tregun e pasurive të paluajtshme, duke bërë kështu që pronësia e banesave të bëhet më e arritshme për qytetarët.