Ligjet e reja që hyjnë në fuqi më 1 korrik: Ja si ndikojnë te qytetarët në Suedi

Ulja e taksës mbi karburantin është ndoshta ndryshimi më i përfolur që hyn në fuqi më 1 korrik, por agjencia suedeze e lajmeve TT rendit edhe disa masa të tjera që mund të sjellin kursime për qytetarët, si edhe disa shpenzime të reja.

• Për kujdesin ndaj fëmijëve (çerdhe dhe parashkollor), vendoset një prag i përjashtimit prej 10 000 koronash, të cilat nuk do të merren parasysh kur llogaritet tarifa e prindërve.
• TVSH-ja për hyrjen në mbrëmjet me muzikë dhe vallëzim (dansband) ulet nga 25% në 6%, duke i bërë biletat më të lira.
• Hiqet përjashtimi nga dogana për importet private nga vendet jashtë Bashkimit Evropian me vlerë deri në 150 euro. Në vend të kësaj, do të vendoset një tarifë doganore prej 3 eurosh për çdo artikull.
• Do të bëhet më e lehtë dhënia me qira e banesave në pronësi (bostadsrätt) dhe rregullat për caktimin e qirasë do të jenë më fleksibile.
• Përjashtimi nga taksa për energjinë elektrike të përdorur për karikimin e makinës elektrike në vendin e punës bëhet i përhershëm.

Këto ndryshime hyjnë në fuqi më 1 korrik dhe pritet të ndikojnë si në kursimet ashtu edhe në shpenzimet e familjeve në Suedi.

Burimi: Omni/TT/SVT/dagenslogistik/

Link:https://dagenslogistik.se/tullavgift-far-svenskarna-att-tveka/

https://tt.omni.se/nya-lagar-i-juli-sa-paverkas-din-ekonomi/a/j0mngq

https://tt.omni.se/nu-kan-aven-tullen-ta-kriminellas-egendom/a/d4qQbw

https://www.svt.se/nyheter/inrikes/regeringen-forbereder-krispaket

https://nyheter24.se/nyheter/ekonomi/privatekonomi/1455816-barnfamilj-de-far-500-kronor-mer-i-manaden-fran-juli-2026