Ligji i ri për gomat: Ndërrimi këtë vit fillon më herët se kurrë

Shoferët në Suedi duhet të përgatiten për një ndryshim të madh këtë vjeshtë. Qeveria ka marrë miratimin e BE-së për të futur një ligj të ri për gomat e dimrit, i cili hyn në fuqi më 1 nëntor.

Sipas ligjit, të gjithë shoferët duhet të kenë vendosur gomat e dimrit deri më 10 nëntor. Kush nuk i ndërron në kohë, rrezikon gjobë.

Ky është një nga ndryshimet më të shpejta ligjore në historinë e Suedisë. Qeveria ka vetëm 45 ditë për ta zbatuar dhe shoferët do të kenë 10 ditë kohë për të ndërruar gomat pas hyrjes në fuqi të ligjit.

Ekspertët e gomave përshëndesin vendimin, por paralajmërojnë se koha është shumë e shkurtër. Për të shmangur rrëmujën dhe mungesat, ata këshillojnë shoferët që të fillojnë ndërrimin që në tetor.

“Planifikoni sikur rregullat të vlejnë që tani dhe ndërroni gomat para 10 nëntorit,” thotë Jonas Roupe nga Këshilli Informues i Industrisë së Gomave.

Qeveria shpreson që ndryshimi të parandalojë kaos në trafik kur të bjerë bora e parë.

“Kjo është një mënyrë e mirë për të shmangur bllokimet dhe aksidentet gjatë stuhive të dimrit,” thotë eksperti Dennis Alexis.

Rregullat e reja

• Nga 1 nëntori 2025, periudha zyrtare për gomat e dimrit do të zgjasë nga 10 nëntor deri më 10 prill (më parë ishte 1 dhjetor – 31 mars).
• Për makinat e rënda, gomat e dimrit do të jenë të detyrueshme gjatë gjithë kësaj periudhe, pavarësisht kushteve të rrugës.
• Afati për heqjen e gomave me gozhda (dubbdäck) mbetet 15 prill, por mund të shtyhet në të ardhmen.

Industria e gomave thotë se ky ndryshim është pozitiv sepse u jep shoferëve më shumë kohë për ndërrimin e gomave në vjeshtë dhe pranverë mjafton që të gjithë të jenë të informuar dhe të veprojnë në kohë.