LO parashikon rritje të madhe të pagave, më e larta që nga viti 2009.

Ekonomia e Suedisë pritet të përmirësohet dhe kjo po sjell rritje më të madhe pagash dhe ulje të inflacionit. Këtë e thotë kryeekonomisti i LO-së, Torbjörn Hållö, për Ekot.

Sipas tij, rritjet reale të pagave do të jenë më të lartat në pothuajse 20 vjet: 3% gjatë këtij viti dhe 3,2% në vitin 2025.

“Kjo bën që njerëzit të kenë më shumë para për të konsumuar, dhe konsumimi i shtuar ndihmon rritjen e ekonomisë”, shpjegon Hållö.

Ekonomistët e LO-së parashikojnë gjithashtu që ekonomia suedeze do të rritet me 1,6% në vitin 2025 dhe gati dyfish më shumë në vitin 2026. Megjithatë, Hållö thekson se kjo nuk do të thotë se tregu i punës do të përmirësohet shumë.