Löfven dhe Lööf kritikojnë debatin e partive në SVT

Dy ish-kryetarët e partive, Stefan Löfven nga Socialdemokratët dhe Annie Lööf nga Partia e Qendrës, kanë reaguar me kritika pas debatit të partive që u zhvillua të dielën në televizionin suedez SVT.

Stefan Löfven e quajti të paarsyeshme vendimin e Moderaterna (M) për të kërcënuar se nuk do të merrnin pjesë në debat, por njëkohësisht mendon se formati i debatit duhet ndryshuar.

Sipas tij, debati nuk i jep publikut mundësinë për të kuptuar qartë se çfarë mendojnë partitë për çështje të ndryshme.

“Shikuesit duhet të marrin një pasqyrë të qartë për qëndrimet e partive në çështje të ndryshme. Por nuk ka hapësirë të mjaftueshme për këtë në formatin aktual,” tha Löfven në emisionin Politikbyrån të SVT-së.

Edhe Annie Lööf ndan mendim të ngjashëm. Ajo tha se liderët e partive kanë diskutuar disa herë për mënyrën si zhvillohen debatet, por theksoi se edhe ata vetë kanë një përgjegjësi të madhe për tonin e debatit.

“Ne duhet të marrim përgjegjësi. Duhet ta ulim tonin për zgjedhësit që janë atje dhe po na shikojnë,” u shpreh ajo.

Të dy ish-kryetarët theksuan se qëllimi i debateve politike duhet të jetë informimi i qytetarëve, jo përplasjet e ashpra mes partive.