Lokalet që diskriminojnë do të humbin lejen për alkool

Një hetim i gazetës Aftonbladet ka zbuluar raste të rënda racizmi në disa lokale nate në Stokholm. Sipas hetimit, vetëm një nga tetë lokale lejoi hyrjen e meshkujve me ngjyrë, ndërsa shumica pranuan vetëm të bardhët.

Kjo ka shkaktuar reagime të forta nga autoritetet. Alexander Ojanne, përfaqësues i lartë në Bashkinë e Stokholmit, u shpreh i revoltuar:

“Pronarët e lokaleve duhet të marrin përgjegjësi. Kjo nuk është e denjë për një qytet si Stokholmi. Nëse një lokal dënohet për diskriminim, ne do t’i heqim lejen për të shitur alkool”, tha ai.

Bashkia tani pritet të ndjekë më nga afër rastet e diskriminimit dhe të marrë masa ndaj atyre që nuk respektojnë barazinë.