Mars muaj rekord dhe i nxehtë në Suedi. Deri në 7 gradë mbi mesataren në veri.

Muaji mars që sapo përfundoi është më i ngrohti i regjistruar ndonjëherë në Suedi, sipas raportimit të SVT. Temperaturat kanë qenë dukshëm më të larta se zakonisht në të gjithë vendin.

Ndryshimi më i madh është vërejtur në veri, në Norrland, ku në disa zona temperaturat kanë qenë deri në 7 gradë më të larta se mesatarja e viteve 1961–1990.

Sipas Erik Kjellström, profesor i klimatologjisë në SMHI, kjo situatë duhet parë kryesisht si një ndryshim i përkohshëm i motit. Megjithatë, ai thekson se edhe temperaturat më të larta të ujërave në Oqeanin Atlantik kanë ndikuar në këtë ngrohje.

Ai paralajmëron se ky mund të mos jetë një rast i izoluar.

“Ky është një muaj mars shumë i ngrohtë dhe është e qartë se në të ardhmen mund të kemi muaj mars edhe më të nxehtë se ky që sapo kaloi,” u shpreh Kjellström.

Burimi: SVT/SMHI

Link: https://www.svt.se/nyheter/lokalt/vasternorrland/mars-manad-den-varmaste-som-uppmatts-smhi-uppseendevackande

https://www.smhi.se/nyheter/nyheter/2026-04-01-marsvadret-2026-flera-nordliga-temperaturrekord