Më pak krime në vitin 2025, por dhuna fizike u rrit

Numri i krimeve të raportuara ka rënë gjatë vitit 2025. Sipas shifrave paraprake nga Këshilli Suedez për Parandalimin e Krimit (BRÅ), krimet e raportuara u ulën me tre për qind krahasuar me vitin 2024.

Gjatë vitit 2025 u regjistruan gjithsej 1 428 000 krime të raportuara.

Rënien më të madhe e patën vjedhjet. Në vitin 2025 u raportuan 12% më pak vjedhje sesa një vit më parë.

Megjithatë, jo të gjitha llojet e krimeve ranë. Dhuna fizike u rrit me katër për qind, ndërsa rastet e ngacmimit u rritën me gjashtë për qind gjatë vitit 2025.

link:https://bra.se/rapporter/arkiv/2026-01-22-anmalda-brott-2025