Më shumë se 500 alarmë për dronë në Danimarkë

Në Danimarkë, gjatë 24 orëve të fundit janë raportuar mbi 500 raste të dyshuara për praninë e dronëve. Policia daneze njofton se këto janë sinjalizime nga qytetarët që kanë parë ose kanë dëgjuar për objekte që mund të jenë dronë.

Shefi i policisë, Peter Ekebjærg, tha në një konferencë për shtyp se policia u kërkon njerëzve të vazhdojnë të dërgojnë njoftime, fotografi apo përshkrime të çdo objekti të dyshimtë. Ai theksoi se policia ka rritur ndjeshëm praninë në të gjitha aeroportet e vendit për shkak të situatës.

Ditët e fundit, disa aeroporte janë detyruar të mbyllen përkohësisht për shkak të këtyre alarmeve. Kryeministrja e Danimarkës, Mette Frederiksen, ka deklaruar më herët se vendi mund të jetë nën një formë të “luftës hibride”.

Burimi: TV2 Danezë