Meteorologu: Jämtland mund të hyjë në vjeshtën meteorologjike që këtë javë

Pjesë të mëdha të qarkut të Jämtlandit mund të hyjnë në vjeshtën meteorologjike që gjatë kësaj jave. Këtë e ka bërë të ditur meteorologu Max Schildt nga SMHI, në një intervistë për radion P4 Jämtland.

Sipas përkufizimit të vjeshtës meteorologjike, ajo fillon kur temperatura mesatare e një dite bie nën 10 gradë Celsius për pesë ditë radhazi. Kur ky kusht plotësohet, vjeshta llogaritet se ka nisur që nga dita e parë e atyre pesë ditëve.

“Dyshoj se kjo mund të ndodhë në pjesën më të madhe të qarkut brenda pak ditësh”, tha Max Schildt. Ai shtoi se zakonisht vjeshta meteorologjike mbërrin në Jämtland në fund të muajit gusht ose në fillim të shtatorit.

Sipas të dhënave të publikuara në faqen zyrtare të SMHI-së, deri më tani nuk është regjistruar ende vjeshtë meteorologjike në asnjë pjesë të Suedisë.

Burimi: Sverigesradio/SMHI

Link: https://www.sverigesradio.se/artikel/smhi-hosten-kan-komma-till-jamtland-i-veckan

https://www.smhi.se/vader/observationer/arstidskarta