Meteorologu paralajmëron: Merrni ombrellat, shiu po vjen

Pas një të hëne me mot relativisht me diell, meteorologët paralajmërojnë se moti në Suedi do të ndryshojë shpejt.

Meteorologu i Klart, Lasse Rydqvist, në një prononcim për Aftonbladet, tha se gjatë javës së parë të punës pas pushimeve verore pritet të rikthehen reshjet e shiut.

Sipas tij, të martën nga jugperëndimi do të mbërrijë një sistem me presion të ulët atmosferik, i shoqëruar me reshje shiu.

Dita e mërkurë pritet të jetë veçanërisht e lagësht në pjesën më të madhe të vendit. Megjithatë, sipas meteorologut, veriu i rajonit të Norrlandit do të jetë përjashtim, pasi atje nuk priten reshje të konsiderueshme.

Burimi: Aftonbladet

Link:https://www.aftonbladet.se/nyheter/a/xr9kn8/smhi-varnar-for-brandrisk-trots-regn-pa-ingang