Migrationsverket: Jo të gjitha dëbimet e të rinjve do të ndalen

Para dy javësh, qeveria njoftoi se do të ndalohen përkohësisht disa raste që lidhen me atë që quhet “dëbimet e të rinjve”.

Por lind pyetja: cilat raste përfshihen në këtë vendim? Për këtë ka dhënë sqarime Migrationsverket.

“Dëbimet e të rinjve” kanë të bëjnë me azilkërkuesit që gjatë procesit të aplikimit kanë mbushur moshën 18 vjeç. Pra, ata kanë qenë të mitur kur kanë aplikuar, por janë bërë të rritur ndërkohë që çështja e tyre është ende në shqyrtim.

Shumë raste të të rinjve azilkërkues, të cilët janë të shqetësuar për të ardhmen e tyre, janë përmendur në media. Për këtë arsye, qeveria njoftoi se rastet aktuale do të pezullohen përkohësisht.

Megjithatë, ende nuk dihet sa kohë do të zgjasë ky pezullim.

“Po presim me shumë interes një vendim për këtë çështje”, tha Jacob Sandström, zëdhënës për shtyp në Migrationsverket.

Burimi: SVT

Link: https://www.svt.se/nyheter/lokalt/dalarna/migrationsverket-alla-tonarsutvisningar-pausas-inte