Migrationsverket ndalon përkohësisht vendimet për “spårbytare”

Pas deklaratave të fundit për politikën e migracionit nga partitë e Marveshjes Tidö, Migrationsverket ka vendosur të ndalojë përkohësisht marrjen e vendimeve për të gjitha rastet që lidhen me të ashtuquajturit “spårbytare”.

Ky vendim vlen për personat që i plotësojnë kërkesat aktuale për nivelin e pagës sipas rregullave që janë në fuqi sot.

Bëhet fjalë për persona që duan të rinovojnë lejen e tyre të punës në Suedi, por që sipas rregullave aktuale duhet të largohen nga vendi për të bërë aplikimin për rinovim. Partitë e Marrëveshjes Tidö kanë hapur mundësinë që kjo rregullë të ndryshohet në të ardhmen.

Për shkak të kësaj situate, Migrationsverket ka vendosur të pezullojë përkohësisht vendimet për këto raste derisa të ketë më shumë qartësi.

Ende nuk dihet se sa do të zgjasë kjo pauzë, pasi Migrationsverket nuk ka dhënë një afat të saktë.

Burimi: Sverigeradio

Link: https://www.sverigesradio.se/artikel/migrationsverket-pausar-beslut-for-sparbytare