Mijëra përdorues do të mbeten pa Bank-id vitin e ardhshëm

Nga muaji mars i vitit të ardhshëm, mijëra persona që përdorin telefona të vjetër nuk do të kenë më mundësi të përdorin Bank-id. Lajmin e ka raportuar fillimisht TV4 Nyheterna.

Aplikacioni nuk do të funksionojë më në pajisjet që përdorin Android 8 ose iOS 15 dhe versionet më të vjetra, të cilat nuk mund të përditësohen.

“Shefi i sigurisë në Bank-id, Andreas Bergqvist, shpjegon:

Kur një sistem operativ ndalon të marrë përditësime sigurie, ne duhet ta mbyllim mbështetjen për të. Kjo është e domosdoshme për të mbrojtur sigurinë e infrastrukturës dhe të vetë përdoruesve, që pajisjet e tyre të mos keqpërdoren nga mashtrimet.”

Nuk dihet saktësisht sa njerëz do të preken nga ky vendim, por Bank-id vlerëson se bëhet fjalë për disa mijëra përdorues që kanë ende telefona të vjetër.

Ndërkohë, ministri i Çështjeve Civile, Erik Slottner (KD), ka thënë për TV4 se po punohet për të krijuar një identitet elektronik shtetëror, i cili do t’u japë qytetarëve më shumë mundësi dhe akses. Ende nuk është përcaktuar se kur do të jetë gati ky sistem i ri.

“Hetimi propozon që identiteti elektronik shtetëror të mos kërkojë pajisje të caktuara teknike dhe të mos jetë i lidhur me një llogari bankare,” ka shtuar Slottner.

Burimi: Aftonbladet