Ministri danez: “Ky është një realitet i ri”

Qeveria daneze njofton se që nga e enjtja nuk ka pasur pengesa të rëndësishme në aeroportet e vendit, edhe pse janë vërejtur dronë. Kështu tha ministri i drejtësisë, Peter Hummelgaard, gjatë një konferencë për shtyp.

Ai e përshkroi aktivitetin e dronëve si një shenjë të luftës hibride dhe bëri lidhje me mësimet që bota nxori pas sulmeve terroriste në SHBA më 11 shtator 2001. “Ky është një realitet i ri, për Danimarkën dhe shumë vende të tjera,” tha ministri.

Ministri i mbrojtjes, Troels Lund Poulsen, tha se Danimarka ka nisur të blejë pajisje të reja për të përforcuar sigurinë, dhe një pjesë e tyre do të dorëzohet që sot.

Suedia, Franca, Gjermania dhe NATO kanë ofruar ndihmë për sigurinë gjatë samitit të BE-së që do të mbahet në ditët e ardhshme në Kopenhagen. Edhe Ukraina, e prekur nga lufta, ka ofruar ekspertizën e saj në fushën e dronëve, sipas ministrit të mbrojtjes.