Ministri suedez: Nuk ka rrezik për papunësi masive – Suedia është e qëndrueshme

Pavarësisht krizave në tregjet botërore dhe taksave të reja nga presidenti amerikan Donald Trump, Suedia nuk përballet me rrezik të menjëhershëm për papunësi masive.

Kështu thotë ministri i Punës në Suedi, Mats Persson nga partia Liberale. Ai thekson se vendi është në një pozitë të mirë ekonomike – me borxh të ulët, nivele të larta punësimi dhe kompani të forta.

– Suedia është shumë e qëndrueshme, edhe pse situata në botë është e pasigurt, u shpreh ministri për agjencinë TT.

Ai përmendi gjithashtu se forcimi i monedhës suedeze (kronës) në fillim të këtij viti është një shenjë pozitive.

Por Persson pranon se shqetësimet në ekonominë globale mund ta ngadalësojnë procesin e rimëkëmbjes.