Moderaterna duan të ashpërsojnë rregullat për emigrimin familjar në Suedi. Më parë, partitë e koalicionit të Tidö-s kishin vendosur një projektligj që ndalon martesat midis kushërinjve.

Partia Moderaterna propozon që të rriten dhe të bëhen më të rrepta kërkesat për emigrimin familjar në Suedi, me qëllim të luftimit të kulturës së nderit. Lajmi është raportuar nga gazeta Expressen.

Sipas propozimit të ri, kushërinjtë që jetojnë në një marrëdhënie bashkëjetese (sambo) nuk do të lejohen të vijnë në Suedi përmes emigrimit familjar.

Po ashtu, propozohet që mosha minimale për të marrë leje për emigrim familjar të rritet në 24 vjeç.

Ministri i migracionit, Johan Forsell, thotë se:

“Ne duam të luftojmë kulturën e neveritshme të nderit, e cila është një problem i madh shoqëror në Suedi.”

Më parë, partitë e koalicionit të Tidö-s kishin vendosur një projektligj që ndalon martesat midis kushërinjve.

Por, ky projektligj është kritikuar nga Avokati i Popullit. Ai thotë se nuk ka prova që ndalimi i martesave midis kushërinjve ndihmon në luftimin e dhunës dhe shtypjes në emër të nderit.

Burimi: expressen

Link: https://www.expressen.se/nyheter/sverige/moderaterna-hoj-aldern-for-anhoriginvandring/