MP dhe V: Nesër mund të ndalen dëbimet e adoleshentëve

Miljöpartiet (MP) dheVänsterpartiet (V) u kanë bërë thirrje Socialdemokraterna (S) dhe Liberalerna (L) që të votojnë kundër dëbimeve të adoleshentëve. Votimi do të mbahet nesër në Komisionin për Sigurime Shoqërore të Parlamentit suedez.

Gjatë një konference për shtyp, zëdhënësi për çështjet e emigracionit i V-së, Tony Haddou, tha se përgjegjësia është e madhe.

” Nesër, kur të votojmë në komision, një përgjegjësi e rëndë bie mbi Socialdemokratët dhe Liberalët”, deklaroi ai.

Konferenca për shtyp u mbajt së bashku me zëdhënësen për migracionin të MP-së, Annika Hirvonen.

Propozimi për të cilin do të votojnë partitë ka dy pjesë kryesore:

Të zgjerohet mundësia për bashkim familjar për të rinjtë deri në moshën 21 vjeç.

Të rikthehen rrethanat “veçanërisht të ndjeshme” si arsye për të lejuar qëndrimin.

Kur propozimi u paraqit për herë të parë, Socialdemokratët nuk e mbështetën atë. Më vonë, partia ka deklaruar se dëshiron të ndalë dëbimet.

Edhe Liberalët kanë thënë se duan të shohin një zgjidhje lehtësuese, një lloj “ventili”, për këto raste.

Burimi: Omni/TT/Aftonbladet

Link: https://tt.omni.se/de-kraver-att-s-ar-med-och-stoppar-utvisningar/a/Gx3JWB

https://www.aftonbladet.se/nyheter/a/Rr77qd/aftonbladet-direkt?pinnedEntry=1444832