Ndërhyrje emergjente për të shkurtuar radhët rekord të gjata në shëndetësi

Sistemi shëndetësor në Suedi po përballet me kohë pritjeje më të gjata se kurrë më parë. Një raport shtetëror konfirmon se radhët për shërbime dhe operacione janë në nivele historike. Për të adresuar situatën alarmante, ekspertët kanë propozuar ndërhyrje të përkohshme për shkurtimin e pritjeve në operacione specifike, trajtimin e prolapsit dhe ndërhyrjet për katarakt.

Plani parashikon që, deri në fund të vitit, rajonet të shpërblehen me fonde shtetërore të bazuara te numri i operacioneve të realizuara.

Sipas të dhënave zyrtare, në gusht të vitit të kaluar, 89,435 pacientë kishin pritur më gjatë se afati i garantuar për një ndërhyrje apo operacion, duke vënë në provë sistemin shëndetësor dhe durimin e qytetarëve.

Synimi i këtyre masave është ulja e menjëhershme e presionit mbi kujdesin shëndetësor dhe rikthimi i besimit te pacientët që presin trajtim.

Burimi: TT