Ndryshim trendi në bursë: Burrat fituan më shumë se gratë në tremujorin e dytë

Portofolët e burrave suedezë në aksione kanë performuar më mirë se ato të grave gjatë tremujorit të dytë të vitit, duke shënuar një kthesë krahasuar me vitin e kaluar, kur gratë i tejkaluan dukshëm burrat. Shifrat e publikuara nga Euroclear tregojnë qartë ndryshimin.

Sipas raportit, nga prilli deri në qershor, portofolët e burrave u rritën mesatarisht me 2,4%, ndërsa portofolët e grave vetëm me 0,7% krahasuar me tremujorin e mëparshëm.

Dallime pati edhe në zgjedhjen e aksioneve. Ctek, Flat Capital dhe Viscaria ishin ndër më të preferuarat nga burrat, ndërsa gratë investuan më shumë tek H&M, Billerud dhe Sweco.

Në të dyja rastet, aksioni më i shitur gjatë tremujorit të dytë ishte Fortnox, duke u renditur në krye të listës si tek burrat ashtu edhe tek gratë.

Ndërkohë, aksionet në industrinë e mbrojtjes vazhduan të jenë në fokus gjatë kësaj periudhe, sipas një njoftimi të news.cision.com.

Kompanitë me përqindjen më të lartë të investitoreve gra në T2:

• H&M – 46,3%
• Billerud – 44,1%
• Sweco – 43,8%
• Electrolux – 43,7%
• Clas Ohlson – 42,9%