Ndryshohet mënyra e vendimeve në cështjet e Azilit nga data 1 Mars

Deri tani, Migrationsverket ka njoftuar vendimet në çështjet e azilit me një takim në zyrat e tyre. Ky proces ndryshon. Nga 1 mars, personat që kanë kërkuar strehim në Suedi mund të marrin vendimin e tyre në çështjen e azilit përmes postës. Arsyeja për këtë ndryshim është se Migrationsverket shpesh herë ka dhënë vendime që nuk janë të vlefshme, sepse nuk mund të kontaktojnë Azil-kërkuesin për ta njoftuar atë për vendimin. Duke ndryshuar këtë rutinë, ata do të jenë në gjendje të kërkojnë më shumë për vendimet, duke bërë kështu që më shumë vendime të bëhen të vlefshme, thotë Magnus Bengtsson, një udhëheqës i procesit.

Nga data 1 mars, do të jetë e mundur të njoftohen vendimet në çështjet e azilit përmes një procedure të quajtur njoftim i lehtësuar. Kjo do të thotë që vendimi do të dërgohet me postë tek Azil- kerkuesi, do të dërgohet një letër tjetër me një mesazh kontrolli. Azil-Kerkuesi konsiderohet se ka marrë njoftimin për vendimin dy javë pasi është dërguar me postë.

Pas këtyre dy javëve, Azil-kerkuesi ka tre javë për të ankimuar vendimin. Nëse vendimi nuk ankimohet, fillon të zbatohet. Kjo do të thotë që kur Migrationsverket përdor njoftimet e lehtësuar, vendimi zbatohet pas pesë javëve nga dërgimi i tij.

Nëse vendimi është një refuzim dhe Azil-kerkuesi ka marrë një afat për të lënë Suedinë vullnetarisht, afati fillon të llogaritet nga dita e parë dhe vendimi fillon të zbatohet. Nëse Azil-kerkuesi nuk ka marrë një afat, të drejtën për banim dhe ndihma ekonomike sipas LMA-së, përfundon në të njëjtën ditë.

Edhe në vazhdim, Azil-kerkuesit do të ftohen për një takim. Ashtu si më parë, Migrationsverket do të ftojë Azil-kerkuesit në zyrat e tyre për të shqyrtuar vendimin në gjuhë që ata e kuptojnë. Ndryshimi është se Azil-kerkuesi konsiderohet të ketë marrë vendimin pavarësisht nëse ata marrin pjesë në takim apo jo.

Në të kaluarën, Migrationsverket ka përdorur njoftimin e lehtësuar për shembull në vendimet e LMA dhe në çështjet e zgjatjes së qëndrimit.