Nordea rrit interesat e kredive për banesa

Një nga bankat më të mëdha në Suedi, Nordea ka vendosur të rrisë normat e interesit për kreditë e banesave.

Ky vendim vjen menjëherë pasi Riksbanken njoftoi se norma bazë e interesit do të mbetet e pandryshuar në 1,75%. Megjithatë, situata në botë, sidomos lufta në Lindjen e Mesme, po krijon shumë pasiguri për ekonominë.

Të premten paradite u bë e ditur se Nordea do të rrisë interesat për të gjitha kreditë me afat fiks nga 2 deri në 8 vjet me 0,2 pikë përqindje.

Pas kësaj rritjeje:

• Interesi për kredi me afat 2-vjeçar është 3,53%.
• Interesi për kredi me afat 1-vjeçar është rritur me 0,14 pikë dhe ka shkuar në 3,43%.

Këto të dhëna janë publikuar në faqen zyrtare të bankës.

Çfarë thotë Riksbanken?

Riksbanken vendosi të mos ndryshojë normën bazë të interesit. Sipas bankës qendrore, parashikimi kryesor është shumë i pasigurt.

Ata mendojnë se lufta mund të ketë vetëm ndikim të moderuar në inflacion dhe në rimëkëmbjen ekonomike. Por ekziston edhe një rrezik tjetër:

Nëse lufta përkeqësohet dhe ndikon më shumë në ekonominë globale, atëherë inflacioni mund të rritet më shumë dhe për një kohë më të gjatë. Në këtë rast, Riksbanken mund të detyrohet të rrisë normat e interesit, edhe pse ekonomia do të dobësohej.

Lufta vazhdon pa fund të qartë

Donald Trump ka thënë disa herë se lufta me Iranin nuk do të zgjasë shumë, por nuk ka dhënë një afat të saktë.

Ndërkohë, SHBA dhe Izraeli vazhdojnë sulmet ndaj Iranit, ndërsa Irani po përgjigjet me dronë dhe raketa drejt vendeve të Gjirit.

Paralajmërim për familjet

Ekspertët këshillojnë familjet që të përgatiten për interesa më të larta se sa janë sot, nëse situata nuk qetësohet para verës.

Ekonomisti kryesor i SBAB, Robert Boije, thotë se në rast të një rritjeje të fortë të inflacionit, mund të ketë jo vetëm një rritje të normës bazë, por “dy apo edhe tre” rritje të tjera.

Burimi:marcusoscarsson.se

Link: https://marcusoscarsson.se/just-nu-storbank-hojer-rantan-3/