Normat e interesit të kredive ranë në korrik, ja bankat me interesin më të ulët.

Norma mesatare e interesit për kreditë hipotekare me interes të lëvizshëm ra në 2,87% gjatë korrikut, nga 3,0% që ishte në qershor. Të dhënat vijnë nga përmbledhja mujore e organizatës suedeze për mbrojtjen e konsumatorëve Konsumenternas, raporton GP.

Sipas ekspertes së kursimeve në Compricer, Christina Sahlberg, kjo rënie lidhet me uljen e normës bazë nga Banka Qendrore e Suedisë në maj. Ajo këshillon që klientët e bankave të kërkojnë norma më të mira dhe të sigurohen që zbritja nga norma zyrtare të përditësohet sa herë që Banka Qendrore ul interesat.

Ndër bankat me normat më të ulëta për kreditë hipotekare janë Ålandsbanken, Skandiabanken, Landshypotek dhe Danske Bank.