Nuk e pastroi xhamin e makinës, i merret patenta.

Një burrë rreth 65 vjeç u ndalua nga policia në Uppsala më herët gjatë ditës së hënë. Arsyeja ishte se ai nuk kishte pastruar mjaftueshëm akullin dhe borën nga xhami i përparmë i makinës, bën të ditur policia në faqen e saj zyrtare.

Sipas policisë, dukshmëria nga makina ishte shumë e dobët. Oficerët vlerësuan se drejtimi i automjetit në këto kushte mund të përbënte pakujdesi në trafik dhe të rrezikonte sigurinë rrugore.

Për këtë arsye, policia i mori patentën shoferit 65-vjeçar. Rasti është regjistruar dhe po hetohet më tej nga autoritetet.