Numri i viktimave në vendet e punës mbetet shqetësues

Edhe pse Autoriteti Suedez i Sigurisë në Punë synon që të mos ketë asnjë viktimë në punë, aksidentet fatale vazhdojnë të ndodhin. Deri tani, gjatë këtij viti kanë humbur jetën 30 persona në vendet e punës, ndërsa vitin e kaluar ishin 50.

Drejtori i përgjithshëm i institucionit, Lars Lööw, thotë se Suedia ka pasur përmirësime ndër vite, por tani ky progres është ndalur.

“Sipas inspektimeve tona, pothuajse të gjitha këto aksidente mund të ishin shmangur nëse kompanitë do të kishin zbatuar një sistem më të mirë për sigurinë në punë,” u shpreh ai.

Autoriteti thekson se një punë më e organizuar për mbrojtjen e punonjësve është çelësi për të parandaluar tragjedi të tilla.