OSBE-ja nuk do të monitorojë zgjedhjet në Suedi: “Nuk është e nevojshme, kemi besim te sistemi zgjedhor në Suedi”

Organizata për Siguri dhe Bashkëpunim në Evropë (OSBE) nuk do të dërgojë vëzhgues për zgjedhjet që do të zhvillohen në Suedi këtë vjeshtë, shkruan agjencia suedeze e lajmeve TT.

Suedia e fton OSBE-në para çdo zgjedhjeje. Më pas, OSBE-ja bën një vlerësim për të parë nëse ka nevojë të dërgojë vëzhgues. Gjatë këtij procesi, përfaqësuesit e organizatës takohen me autoritetet, partitë politike dhe mediat.

Pas një vizite në Suedi gjatë pranverës, OSBE-ja ka vendosur se nuk ka nevojë të jetë e pranishme gjatë zgjedhjeve të vjeshtës.

Sipas OSBE-së, besimi te sistemi zgjedhor në Suedi është i lartë. Organizata vlerëson gjithashtu se Autoriteti Zgjedhor suedez mund t’i zhvillojë zgjedhjet në mënyrë të paanshme.

Megjithatë, të paktën nëntë organizata të tjera do të jenë të pranishme në Suedi për të vëzhguar zgjedhjet.

“Zgjedhjet suedeze janë të hapura për këdo që dëshiron t’i vëzhgojë. Kështu ka qenë edhe më parë dhe kështu është edhe tani, thotë Anna Nyqvist, shefe e zyrës së Autoritetit Zgjedhor suedez”, për TT.

Burimi: Omni/TT

Link: https://tt.omni.se/osse-skickar-inga-valobservatorer-till-sverige/a/m0vKj0