Pagat në Suedi u rritën, por janë ende më të ulëta se para pandemisë

Pagat në Suedi u rritën me 3,5% në maj, krahasuar me të njëjtin muaj të vitit të kaluar. Këtë e tregojnë të dhënat e fundit nga Instituti i Ndërmjetësimit.

Ekonomisti i institutit, Petter Hällberg, shpjegon se marrëveshjet e reja të pagave që u nënshkruan këtë pranverë tashmë kanë filluar të ndihen për shumicën e punonjësve.

Megjithatë, paga reale,  pra ajo që ndjehet në xhep pas rritjes së çmimeve, është ende më e ulët se para pandemisë. Sipas llogaritjeve:

• 4% më e ulët se në vitin 2019 sipas indeksit KPI
• 2% më e ulët sipas KPIF

Në sektorin publik, pagat u rritën me 3,7%, ndërsa në sektorin privat u rritën me 3,4%, që është saktësisht sa parashikonte marrëveshja kombëtare e pagave.

Pagat po rriten, por inflacioni bën që shumica e punonjësve ende të ndihen më keq se para vitit 2019.