Papunësia në Suedi arrin nivelin më të lartë në 20 vjet

Numri i të papunëve në Suedinë e sotme po rritet ndjeshëm. Sipas të dhënave të Akademikernas, A- kassa më të madhe të papunësisë në vend, 19 231 anëtarë ishin të papunë në korrik. Kjo është shifra më e lartë në 20 vitet e fundit.

“Jemi mësuar që papunësia të rritet gjatë verës, prandaj kjo rritje nuk është një surprizë, por nuk jemi mësuar të kemi shifra kaq të larta në total,” tha Alexandra Oljans Ahlin, zëdhënëse e A-kassa për papunësisë.

Ajo shtoi se nuk shihen shenja që tregojnë një ulje të papunësisë në të ardhmen e afërt.

Krahasuar me korrikun e vitit të kaluar, papunësia është rritur me 17%, ndërsa krahasuar me dy vite më parë, rritja arrin 55%.