Papunësia vazhdon të jetë e lartë në gusht

Tregu i punës në Suedi nuk ka treguar ndryshime gjatë muajit gusht. Sipas shifrave më të fundit të publikuara nga Enti Suedez i Statistikave (SCB), papunësia dhe punësimi kanë mbetur në të njëjtat nivele si muajt e mëparshëm.

“Situata në tregun e punës vazhdon të jetë e dobët në gusht dhe papunësia mbetet e lartë,” tha statistikania Sandra Medenica në një deklaratë për mediat.

Të dhënat tregojnë se papunësia ka arritur në 8,7%, sipas shifrave. Ky nivel është i njëjtë me atë të korrikut dhe qershorit.

Nga ana tjetër, shkalla e punësimit e matur si pjesë e popullsisë që ka një punë  mbeti gjithashtu e pandryshuar, në 69,0%.