Paralajmërim për borë mbi Stokholm: “Mund të shkaktojë probleme”

SMHI ka lëshuar edhe një paralajmërim tjetër të verdhë për borë, këtë herë për zonën e Stokholmit, nga ora 18:00 sot deri në orën 15:00 nesër.

“Reshjet do të bien brenda një kohe relativisht të shkurtër dhe kjo mund të shkaktojë probleme”, thotë meteorologia Emma Härenstam për gazetën Expressen.

Sipas parashikimeve, deri në rreth 15 centimetra borë pritet të bien mbi kryeqytet, përpara se reshjet të dobësohen gjatë pasdites së së martës.

Autoriteti paralajmëron për kohë më të gjata udhëtimi, vështirësi në qarkullimin në rrugë dhe anulime të mundshme të linjave të transportit publik.