Parashikimi: Mund të arrijë deri në 25 gradë më 1 maj në Suedi

Në fillim të kësaj jave, moti në Suedi do të ndikohet nga një zonë me presion të ulët, që do të sjellë temperatura të freskëta. Për këtë arsye, ende mund të ndihet nevoja për rrobat e dimrit.

Por situata pritet të ndryshojë në fund të javës. Një zonë me presion të lartë do të afrohet dhe do të sjellë mot më të qëndrueshëm dhe me diell në pothuajse të gjithë vendin.

Që në prag të Valborgut, temperaturat mund të shkojnë deri në 20 gradë. Moti i mirë do të ndihet më shumë në zonat e Götaland dhe Svealand.

Sipas meteorologut Lasse Rydqvist, qendra e presionit të lartë do të jetë pak në jug të Suedisë gjatë mbrëmjes së Valborgut, ndërsa zonat me presion të ulët do të vazhdojnë të lëvizin drejt veriut mbi Atlantik.

Më 1 maj pritet edhe më ngrohtë. Një rrymë ajri e ngrohtë nga Evropa Jugperëndimore do të arrijë në vend. Në kombinim me motin me diell, temperaturat mund të arrijnë deri në 25 gradë në disa zona. Kjo mund të jetë dita e parë e vitit me temperatura verore në Suedi.

Zonat që pritet të kenë temperaturat më të larta janë pjesa lindore e Småland dhe Östergötland. Ndërsa edhe në Ångermanland dhe Jämtland temperaturat mund të arrijnë deri në 20 gradë.

Burimi: Sverigesradio/Aftonbladet

Link: https://www.sverigesradio.se/artikel/smhi-sa-blir-vadret-pa-valborg

https://www.aftonbladet.se/nyheter/a/pBM1yW/efter-bakslaget-da-kommer-varvadret-tillbaka