Partia e Gjelbër: Suedia duhet të pranojë më shumë refugjatë

Partia e Gjelbër (MP) vlerëson se Suedia duhet të zbatojë sistemin e ri të Bashkimit Evropian për shpërndarjen e refugjatëve dhe azilkërkuesve, i cili hyri në fuqi në fillim të kësaj vere.

Këtë e deklaroi bashkëkryetari i partisë, Daniel Helldén, në emisionin P1 Morgon të Radios Suedeze.

“ Ne kemi mundësi të pranojmë më shumë refugjatë sesa po pranojmë sot. Ekzistojnë sisteme që e rregullojnë këtë proces. Sa u përket refugjatëve me kuotë, mendoj se Suedia duhet të pranojë më shumë”, tha Helldén.

Sipas tij, Suedia duhet ta rrisë numrin e refugjatëve me kuotë nga 900 në 5 000 në vit.

Për sa u përket azilkërkuesve, Suedia pranoi 6 700 persona gjatë vitit të kaluar. Sipas Radios Suedeze, nëse vendi do të zbatonte plotësisht sistemin e ri të BE-së, numri i azilkërkuesve që do të priteshin do të ishte rreth 15 000 persona.

Burimi:Sverigesradio

Link: https://www.sverigesradio.se/artikel/daniel-hellden-fragas-ut-i-ekots-partiledarutfragning