Partitë e kuq-gjelbra bien dakord për ndalimin e dëbimeve të adoleshentëve

Katër partitë e kuq-gjelbra në Suedi kanë rënë dakord për të ndaluar përkohësisht të ashtuquajturat dëbime të adoleshentëve. Marrëveshja u arrit në mbledhjen e parë të Komisionit për Sigurimet Shoqërore. Lajmin e raporton gazeta Dagens Nyheter (DN).

“Ne kemi paraqitur një nismë të përbashkët në komision nga katër partitë e kuq-gjelbra, për t’i ndaluar realisht dëbimet e adoleshentëve”, tha Annika Hirvonen, kryetare e grupit parlamentar të Partisë së Gjelbër (Miljöpartiet), për agjencinë e lajmeve TT.

Sipas marrëveshjes, ndalimi do të jetë i përkohshëm. Në një fazë të mëvonshme, partitë do të rikthehen me një ndryshim të përhershëm të ligjit, i cili synon të ndalojë këto dëbime.

Ky është vendimi i parë gjatë kësaj periudhe parlamentare ku katër partitë e kuq-gjelbra kanë arritur të bashkohen dhe të mbajnë një qëndrim të përbashkët.

Burimi:Omni/TT/DN

Link: https://www.dn.se/direkt/2026-10-06/rodgrona-overens-om-att-stoppa-tonarsutvisningarna/

https://tt.omni.se/rodgrona-overens-om-stopp-for-tonarsutvisningar/a/77d3qW