Pasiguria gjeopolitike uli interesin për investime të huaja

Ekonomia globale dhe pasiguria gjeopolitike kanë ulur interesin për investime gjatë vitit 2024, shkruan Business Sweden në një raport.

Globalisht, investimet direkte ndërkombëtare u rritën modestisht me 4%. Në Evropë, investimet ranë me 10%, ndërsa në Suedi ato u ulën me 24%. Megjithatë, Suedia u ngrit nga vendi i tetë në Evropë në vendin e katërt.

“Kjo tregon se Suedia, me bazën e saj të fortë të kompetencave, institucionet stabile dhe tregun e hapur, vazhdon të jetë një vend atraktiv për kompanitë e huaja,” tha Lena Sellgren, ekonomiste kryesore në Business Sweden.

SHBA-ja konsolidoi pozicionin e saj dhe investimet direkte u rritën me 20%.