Patenta e re suedeze, disa ndryshime në 2025.

Pas më shumë se tetë vitesh, është koha për ndryshime. Patenta suedeze do të ketë një pamje të re.

Patentat e reja pritet të fillojnë prodhimin në janar të vitit 2025 dhe do të duken ndryshe në shumë aspekte krahasuar me versionin aktual, që miliona suedezë kanë në portofol.

“Një nga ndryshimet më të dukshme është se pjesa që alternon midis fotos dhe numrit personal tani ndodhet në dritaren transparente,” thotë Peter Andersson, zhvillues i sistemit të patentave pranë Transportstyrelsen.

Përveç ndryshimeve vizuale, patentat e reja do të përmbajnë disa detaje të reja sigurie.

“Kjo ka të bëjë kryesisht me vështirësimin e falsifikimeve,” shton Andersson.

Për ata që kanë patenta me pamje të vjetër, nuk ka asnjë detyrim për veprim. Ato do të vazhdojnë të jenë të vlefshme deri në përfundimin e periudhës së tyre të vlefshmërisë, thekson Andersson.

Burimi: Aftonbladet