Po planifikon të blesh makinë në vitin 2026? Ja çfarë duhet të dish

Për ata që planifikojnë të blejnë një makinë të re ose pothuajse të re, është e rëndësishme të jenë të informuar për ndryshimet që hyjnë në fuqi gjatë vitit 2026 përndryshe, kostot mund të rriten shpejt.

Blerja e një makine mund të duket e thjeshtë, por në vitin 2026 ka disa faktorë që mund ta bëjnë atë më të shtrenjtë nga sa shumëkush ka parashikuar. Nuk bëhet fjalë vetëm për çmimin e makinës, por edhe për taksat, siguracionin dhe rregullat e reja që ndikojnë drejtpërdrejt në koston totale.

Prandaj, nëse po planifikon të blesh makinë, ia vlen të jesh në dijeni të ndryshimeve kryesore. Më poshtë janë pikat më të rëndësishme dhe këshillat për të shmangur shpenzime të panevojshme.

Sa më e shtrenjtë mund të bëhet blerja e makinës në 2026

Bonusi për makinat me emetime të ulëta është hequr, por sistemi malus (taksa e shtuar e automjeteve) vazhdon të zbatohet për makinat e reja me emetime më të larta të dioksidit të karbonit.

Sipas Autoritetit Suedez të Transportit, malus aplikohet për makinat e regjistruara pas 1 qershorit 2022 që lëshojnë më shumë se 75 gram CO₂ për kilometër.

Për makinat me benzinë:

• Tarifa bazë është 360 korona në vit
• Plus 107 korona për çdo gram mbi 75, deri në 125 gram CO₂/km

Për makinat me naftë:

• Shtohet edhe tarifë mjedisore dhe shtesë për karburantin
• Për emetime mbi 125 gram CO₂/km, tarifa rritet në 132 korona për gram

Si të shmangësh kostot shtesë?

Kontrollo gjithmonë vlerën e CO₂ para blerjes dhe kërko nga shitësi të tregojë të dhënat e sakta. Krahaso modele të ndryshme, sidomos nëse planifikon të blesh një hibrid plug-in, sepse edhe dallimet e vogla mund të ndikojnë shumë në taksë.

Hibridet plug-in mund të kenë “emetime më të larta në letër”

Bashkimi Europian po shtrëngon gradualisht rregullat për certifikimin e automjeteve. Nga 1 janari 2026, standardi Euro 6e-bis do të zbatohet për të gjitha makinat e reja.

Meqë taksa e automjetit në Suedi bazohet në vlerën e certifikuar të CO₂, disa hibride plug-in mund të kenë vlera më të larta emetimi se më parë, edhe pse përdorimi real nuk ndryshon.

Si të shmangësh rritjen e kostove?

Mos u mbështet në modelet e viteve të mëparshme. Kontrollo gjithmonë vlerën aktuale të CO₂. Diferencat në vlerat ecertifikuar mund të sjellin ndryshime të mëdha në taksë gjatë tre viteve të para.

Rritja e dëmeve po shton çmimin e sigurimit

Siguracioni është një nga kostot që shpesh rritet pa u vënë re, por është edhe ajo që mund të kontrollohet më lehtë. Gjatë vitit 2023, kompensimet e paguara për sigurimet e automjeteve u rritën me 12% krahasuar me vitin paraardhës.

Sipas Shoqatës Suedeze të Sigurimeve, rritja e çmimeve të pjesëve rezervë dhe inflacioni janë faktorët kryesorë.

Si të mbash sigurimin në nivele të arsyeshme në 2026?

Përshtat vetëpjesëmarrjen dhe mbulimin sipas nevojave të tua. Kontrollo që kilometrazhi dhe përdorimi i makinës të jenë të sakta. Makinat më të vjetra mund të mos kenë nevojë për sigurim të plotë.

Çmimi i karburantit dhe taksat në 2026

Nga 1 janari 2026:

• Taksa për benzinën (klasa mjedisore 1): 4,79 kr/litër
• Taksa për naftën (klasa mjedisore 1): 3,961 kr/litër

Gjithmonë llogarit koston totale të makinës: taksë, sigurim dhe karburant  jo vetëm çmimin e blerjes.

Karikimi në vendin e punës bëhet i përhershëm

Nga 1 korriku 2026 propozohet që përjashtimi nga tatimi për karikimin e makinës elektrike në vendin e punës të bëhet i përhershëm. Kjo ndikon veçanërisht tek ata që kanë ose planifikojnë të blejnë një makinë shërbimi elektrike ose hibride plug-in, sipas Riksdagut.

Si të ulësh kostot e makinës në 2026

1. Kontrollo gjithmonë vlerën e CO₂ para blerjes
2. Ji shumë i kujdesshëm me hibridet plug-in për shkak të rregullave të reja të BE-së
3. Krahaso siguracionet dhe përshtat vetëpjesëmarrjen
4. Llogarit koston totale: taksë + sigurim + karburant + taksë trafiku
5. Mbaj parasysh ndryshimet për rimorkiot dhe karavanët nga 1 shkurti 2026
6. Karikimi në punë mund të jetë pa taksë nga 1 korriku 2026

Burimi: Skatteverket, Transportstyrelsen, Qeveria

Rimorkiot dhe karavanët mund të bëhen më të lirë

Nga 1 shkurti 2026 propozohet që kufiri i peshës për përjashtim nga taksa të rritet në tre ton. Kjo do të thotë se shumë rimorkio të zakonshme, karavanë, rimorkio për kuaj dhe trailera për varka mund të mos paguajnë më taksë automjeti, sipas Zyrës së Qeverisë.

Taksa e trafikut  e lehtë për t’u harruar, por e shtrenjtë

Në Stokholm, shuma maksimale ditore e taksës së trafikut është:

• 135 korona gjatë sezonit të lartë
• 105 korona gjatë sezonit të ulët

Kjo vlen edhe për autostradën Essingeleden, sipas Skatteverket. Për shumë drejtues, sidomos ata nga qytete pa taksë trafiku, kjo është e lehtë për t’u harruar, por mund të bëhet shumë e shtrenjtë nëse kalohen shpesh pikat e pagesës.

Burimi: Nyheter 24

Link: https://nyheter24.se/nyheter/motor/1450377-darfor-kan-bilkopet-bli-dyrare-2026