Politikania shtatzënë: Askush nuk më lë vend në autobusë dhe metro. Kërkon njoftime më të shpeshta që të kujtojnë udhëtarët nga transporti publik.

Ina Djurestål, politikane nga partia Moderate dhe shtatzënë në muajin e nëntë, kërkon që në autobusët dhe metrotë e Stokholmit të dëgjohen njoftime që u kujtojnë udhëtarëve të lënë vendin për ata që kanë më shumë nevojë si të moshuarit, gratë shtatzëna dhe personat me aftësi të kufizuara.

Ajo tregon se gjatë gjithë shtatzënisë nuk i është ofruar vend asnjëherë nga ndonjë pasagjer.

“Të gjithë shohin në telefon dhe bëjnë sikur nuk shohin”, thotë Ina në një postim që është përhapur shumë në rrjetet sociale.

Ajo ka dorëzuar një propozim në komisionin e trafikut dhe shpreson që kjo çështje të diskutohet më shumë.

“Dua që të fillojmë të ndihmojmë njëri-tjetrin dhe të kemi më shumë kujdes për të tjerët”, thotë ajo.

Burimi: Expressen