Pranvera po troket në Suedi. temperaturat mund të kalojnë 10 gradë javës e ardhshme.

Javën e ardhshme në jug të Suedisë temperatura mund të rritet mbi 10 gradë Celsius. Kështu ka deklaruar meteorologu i SMHI, Christopher Greenland, për gazetën Expressen.

Sipas tij, vala e ajrit më të ngrohtë pritet të arrijë në Suedi të enjten. Madje, që gjatë kësaj jave, temperaturat mund të shkojnë mbi 5 gradë Celsius. Zonat që pritet të ndiejnë më shumë rritjen e temperaturave janë Gotland dhe disa pjesë të Svealand.

Edhe në jug të Norrland mund të ketë disa gradë mbi zero, shkruan gazeta.

Këto temperatura tregojnë se moti pranveror po afrohet dhe ditët më të ngrohta janë në horizont.

Burimi: Expressen.

Link: https://www.expressen.se/nyheter/vader/snart-kommer-varen-vantas-tvasiffriga-plusgrader-/