Pranvera po troket – Temperaturat arrijnë deri në 17 gradë

Moti pranveror është në prag të mbërritjes në Suedi. Të enjten, temperaturat pritet të rriten ndjeshëm në gjysmën jugore të vendit, me vlera që do të variojnë nga 10 deri në 15 gradë, sipas Aftonbladet.

Sipas meteorologut Lasse Rydqvist nga Klart, temperaturat më të larta do të regjistrohen përgjatë bregdetit lindor dhe deri në jug të Norrland.

– Për shumë njerëz, ndoshta është koha për xhupa më të hollë, thotë ai.

Edhe në pjesët veriore dhe zonat malore të Suedisë priten temperatura mbi zero. Më e ngrohta do të jetë në lindje të Småland, ku të premten termometri mund të shënojë deri në 17 gradë.