Profesionet artizanale mund të shpëtojnë punët kur AI zëvendëson zyrat

Nëse inteligjenca artificiale (AI) fillon të zëvendësojë njerëzit në punët e zyrës, profesionet artizanale dhe punët me dorë mund të bëhen e ardhmja, shkruan Financial Times.

Sipas gazetës, xhiroja e tregut global për produktet artizanale pritet të dyfishohet deri në vitin 2033.

“Ne bëjmë diçka që AI nuk mund ta zëvendësojë kurrë, dhe kjo është ana njerëzore e gjithë kësaj,” thotë Jonathan Reid. Ai dha dorëheqjen nga një punë në industrinë e teknologjisë dhe në vitin 2019 filloi si nxënës pranë një prodhuesi gërshërësh në Sheffield.