Propozimi i Moderatëve: T’u hiqet përgjithmonë e drejta për shtetësi kriminelëve të bandave

Partia Moderata në Suedi ka bërë një propozim të ri: personat që janë dënuar për krime në  bandat kriminale nuk duhet të kenë më kurrë të drejtë të marrin shtetësinë suedeze.

Ministri i Migracionit, Johan Forssell, thotë se ky është një rregull i drejtë.

“Kush nuk do që t’i prekë ky rregull, le të mos bëjë krime”, thotë ai për gazetën Svenska Dagbladet.

Propozimi do të përfshihet në ligjin për shtetësinë. Qeveria ka propozuar edhe disa rregulla të tjera më të rrepta: për shembull, që emigrantët të duhet të kenë jetuar 8 vjet në Suedi (jo 5 si më parë) për të marrë shtetësinë. Edhe ata që kanë bërë krime do të duhet të presin më gjatë për të aplikuar.

Policia suedeze thotë se sot ka rreth 1,500 persona pa shtetësi që janë pjesë e grupeve kriminale.

Ky propozim ka marrë kritika nga opozita, që thotë se ligji mund të jetë i pasigurt dhe jo i drejtë për të gjithë.