Propozohet që Försäkringskassan të krijojë “policinë” e vet për përfitimet sociale

Qeveria suedeze po shqyrton një propozim që Försäkringskassan të krijojë një njësi të posaçme për luftimin e krimeve që lidhen me përfitimet sociale.

Sipas hetuesit të qeverisë, ky institucion duhet të ketë një strukturë të vetën për të hetuar mashtrimet me ndihmat dhe pagesat sociale. Kjo do të thotë se Försäkringskassan do të ketë kompetenca më të gjera për të vepruar kundër personave që abuzojnë me sistemin.

Ministrja e Sigurimeve Shoqërore, Anna Tenke (M), tha:

”Nëse vazhdojmë përpara me këtë propozim, mund të thuhet se Försäkringskassan do të ketë një lloj “policie të përfitimeve”.

Sipas propozimit, Försäkringskassan do të ketë të drejtë të:

• marrë në pyetje persona,
• marrë pjesë në bastisje,
• kryejë hetime dhe vëzhgime në terren,
• bëjë kërkime në regjistra të ndryshëm.

Arsyeja e këtij propozimi është se policia nuk ka mundur t’u japë përparësi të mjaftueshme rasteve të mashtrimeve me përfitimet sociale. Për këtë arsye, qeveria po propozon që vetë Försäkringskassan të ketë mundësi të hetojë këto raste në mënyrë më të drejtpërdrejtë.

Burimi: regeringen.se

Link: https://regeringen.se/pressmeddelanden/2026/03/presstraff-nar-regeringen-tar-emot-forslag-for-att-stoppa-bidragsbrott/