Prostitucioni po rritet dhe po zhvendoset online në internet

Numri i grave dhe vajzave që shfrytëzohen në prostitucion po rritet. Sipas një raporti të ri nga Agjencia për Barazi Gjinore në Suedi, gjatë vitit 2024 janë identifikuar 430 viktima të prostitucionit dhe trafikimit, një rritje prej 4% krahasuar me vitin e kaluar.

Shumë nga këto krime po ndodhin në internet, në faqe si OnlyFans, në aplikacione të koduara si Telegram, apo në rrjete sociale. Kriminelët përdorin teknologjinë për të rekrutuar, kontrolluar dhe shfrytëzuar gratë, duke u fshehur më lehtë.

– Disa gra nuk e dinë as kush është tutor i tyre. Atyre u merret materiale seksuale që më pas përdoret për shantazh, kështu që nuk mund të ikin dot, tha Lise Tamm, drejtoreshë në Agjencinë për Barazi Gjinore.

Teknologjia e re po e përkeqëson situatën

Inteligjenca artificiale (AI) është bërë mjet për trafikantët. Ata përdorin programe për të rekrutuar vajza automatikisht dhe për t’i kërcënuar në shumë gjuhë. AI po i ndihmon të krijojnë identitete të rreme dhe t’u shmangen autoriteteve.

Kërkohet më shumë kontroll

Ekspertët kërkojnë që policia të punojë më shumë në internet dhe që ligjet të forcohen. Në shkurt, qeveria suedeze propozoi që të ndalohet edhe blerja e videove seksuale  jo vetëm blerja e seksit fizik.

Më e rëndësishmja është të ndalojmë kërkesën. Duhet të ndryshojnë qëndrimet e meshkujve dhe djemve për blerjen e seksit, tha Tamm.

Ky është një problem i madh dhe i fshehur. Viktimat që shihen në raport janë vetëm një pjesë e vogël,  shumë të tjera nuk zbulohen kurrë.