Provimi i parë i shtetësisë zhvillohet sot në Suedi: “Hapi i fundit”

Sot në Suedi zhvillohen provimet e para të shtetësisë në lëndën e njohurive shoqërore. Provimi mbahet në Stockholmsmässan në Älvsjö, Stokholm, dhe është pjesë e kërkesave të reja dhe më të rrepta për marrjen e shtetësisë suedeze, të cilat qeveria i vendosi gjatë verës.

Për këtë ditë kanë folur edhe disa persona që po e japin provimin.

Aftonbladet ka biseduar me Annikën, e cila vjen nga Holanda. Ajo e konsideron të rëndësishëm provimin dhe thotë se ky është një hap i rëndësishëm për të.

“Kam jetuar këtu për 14 vjet dhe tani mund të bëj hapin e fundit për t’u bërë më në fund shtetase suedeze”, thotë Annika.

Edhe TV4 ka intervistuar Tahereh, e cila vjen nga Afganistani dhe sot po e jep provimin.

Për t’u përgatitur për testin, Tahereh ka studiuar shumë. Provimi përfshin, ndër të tjera, njohuri për gjuhën suedeze dhe shoqërinë suedeze.

Ajo thotë se ndihet e përgatitur për provimin:

”Jam e përgatitur. Kam lexuar dhe jam ushtruar”.

Burimi: Aftonbladet/TV4/Sverigesradio/UHR

Link: https://www.aftonbladet.se/nyheter/a/gkrj5J/de-ska-skriva-forsta-medborgarskapstestet-kanns-viktigt

https://www.tv4.se/artikel/4j55ZnL40b8s5VsaahsnGK/hon-aer-en-av-de-foersta-att-goera-medborgarskapsprovet-jaettenervoes

https://www.sverigesradio.se/artikel/underkant-prov-i-samhallskunskap-stoppar-medborgarskap

https://www.uhr.se/medborgarskapsprovet/