Punëdhënësit: Rritja e pagave pritet të ngadalësohet në vitin 2027

Negociatat e ardhshme për marrëveshjet kolektive duhet të marrin parasysh faktin se Kina po bëhet një konkurrent gjithnjë e më i fortë për kompanitë suedeze. Kështu shkruajnë kryeekonomistët e Svenskt Näringsliv, Industriarbetshivarna dhe Teknikföretagen në një artikull debati të botuar në Dagens Nyheter.

Sipas organizatave të punëdhënësve, bota po përballet me një “shok të dytë nga Kina”. Ata thonë se kompanitë kineze tashmë janë bërë liderë botërorë në disa industri dhe se prodhimi i tyre po rritet me ritme të shpejta.

Autorët paralajmërojnë se kjo konkurrencë mund të ketë pasoja në afat të gjatë si për kompanitë suedeze ashtu edhe për punëtorët. Ndër rreziqet që përmenden është edhe rritja e papunësisë.

Për këtë arsye, ata theksojnë se rritja e pagave duhet të jetë më e ulët në raundin e ardhshëm të negociatave në vitin 2027.

“Është e qartë se ritmi i rritjes së pagave në negociatat e ardhshme në vitin 2027 duhet të ulet,” shkruajnë ata.

Autorët e debatit janë:

• Sven-Olov Daunfeldt, kryeekonomist në Svenskt Näringsliv
• Kerstin Hallsten, kryeekonomiste në Industriarbetsgivarna
• Erik Spector, kryeekonomist në Teknikföretagen

Ata theksojnë se zhvillimet globale, sidomos rritja e shpejtë e industrisë kineze, duhet të merren seriozisht në vendimet për pagat në të ardhmen.

Burimi: DN/EFN

Link: https://www.dn.se/debatt/loneokningarna-maste-vaxla-ner-i-nasta-avtalsrorelse/

https://efn.se/scanias-vd-om-det-nya-hotet-inget-kinesiskt-under