Putin: Gabim që Suedia dhe Finlanda hynë në NATO

Presidenti rus Vladimir Putin ka kritikuar vendimin e Suedisë dhe Finlandës për t’u anëtarësuar në NATO. Gjatë një fjale të mbajtur të enjten, ai e quajti këtë hap si një veprim “të gabuar” dhe tha se dy vendet kanë humbur “përparësitë strategjike” që do t’i jepte qëndrimi i tyre si vende ushtarakisht neutrale.

“Ne kurrë nuk kemi pasur probleme me Suedinë, e aq më pak me Finlandën,” theksoi Putin.

Ai shtoi gjithashtu se Kremlini po e vëzhgon me kujdes “rritjen e militarizimit në Evropë” dhe paralajmëroi se Rusia do të përgjigjet ndaj asaj që ai e konsideron si një kërcënim.